Nga e shtuna, qytetarët do ta paguajnë energjinë elektrike 15.4 % më shtrenjtë se përpara.
Por, kësaj rritje nuk do t’ia kenë hall qytetarët serbë të veriut që nuk paguajnë faturat as me çmimin e vjetër e as me këtë të riun. E kjo duket që nervozoi edhe më shumë qytetarët për vendimin e Zyrës së Rregullatorit të Energjisë.
Për këtë gjendje dikush drejton gishtin kah institucionet në Prishtinë.
E nga ata që mbrojnë të drejtat e njeriut, kjo është kryekëput shkelje e tyre.
Bile, sipas Këshillit për Mbrojtjen e të Drejtave dhe Lirive të Njeriut, qytetarët serbë janë edhe shpenzuesit më të mëdhenj të rrymës, shkruan Klan Kosova.
Nga KMDLNJ i bëjnë thirrje qytetarëve që revoltën e tyre për rritjen e çmimit të rrymës ta shfaqin me forma të ndryshme të ligjshme.
