Lionel Messi ka mbetur i habitur me bashkëlojtarin e Argjentinës, Nicolas Otamendi, pasi pa se ky i fundit ka bërë tatuazh Messin me fanellën e Argjentinës, pas triumfit në Kupën e Botës në vitin 2022 në Katar.
Të besuarit e trajnerit Lionel Scaloni triumfuan në finale të Kupës së Botës kundër Francës pas penalltive, duke e rikthyer trofeun e çmuar në Argjentinë pas një kohe të gjatë.
Mbrojtësi 35-vjeçar, Otamendi në Instagram ndau një video të tij duke bërë tatuazh, ku përfshihej edhe Lionel Messi.
Ky i fundit reagoi në llogarinë e tij në Instagram duke e vlerësuar të veçantë veprimin e Otamendit, transmeton Lajmi.net.
“Pashë shumë gjëra spektakolare që u bënë për shkak të Kupës së Botës, por që një koleg, një mik si Otamendi të bëjë këtë tatuazh është diçka më shumë se e veçantë. Faleminderit shumë Ota”, shkroi Messi.
