Lideri i AAK-së Ramush Haradinaj bëri të ditur të enjte është takuar me shefin e Zyrës së Bashkimit Evropian, njëherësh Përfaqësues Special i BE-së në Kosovë, Tomas Szunyog, me të cilin diskutuan zhvillimet politike në vend dhe për marrëveshjen e Ohrit,përcjell InLajmi.
Haradinaj deklaroi se në këtë takim shprehu konsideratën e tij për angazhimin unik të shteteve anëtare të BE-së për arritjen e marrëveshjes për normalizim të marrëdhënieve midis Kosovës dhe Serbisë.
Lideri i AAK-së, thekson se implementimi i kësaj marrëveshje hapë një perspektivë më të qartë integruese të Kosovës në Bashkimin Evropian dhe në strukturat euro-atlantike.
Postimi i plotë i tij:
Në një takim përmbajtësor të zhvilluar sot me z. Tomáš Szunyog, shef i Zyrës së Bashkimit Evropian, njëherit Përfaqësues Special i BE-së në Kosovë, kemi diskutuar hapur për zhvillimet politike në vend, kjo edhe në frymën e obligimeve që duhet t’i kryejnë palët si rezultat i marrëveshjes për normalizim të marrëdhenieve midis Kosovës dhe Serbisë.
Shpreha konsideratën time për angazhimin unik të shteteve anëtare të BE-së për arritjen e kësaj marrëveshjeje. Po ashtu, pata kënaqesinë që të pranoj vlerësimin e Ambasadorit Szunyog për rolin konstruktiv të Aleancës për Ardhmërinë e Kosovës dhe timin gjatë gjithë këtij procesi.
Implementimi i kësaj marrëveshje hapë një perspektivë më të qartë integruese të Kosovës në Bashkimin Evropian dhe në strukturat euro-atlantike. /InLajmi/
