Deputetja e LDK-së, Valentina Bunjaku-Rexhepi ka hedhur kritika në drejtim të Qeverisë Kurti. Rexhepi tha se Qeveria Kurti ka ardhur në pushtet me manipulime dhe se Kurti është i gatshëm “të shkelë në kufomat e gjithsecilit vetëm të arrijë vetë”.
“Këta asnjëherë nuk kanë bërë përpjekje me u antarësu në ndonjë organizatë ndërkombëtare. Kjo Qeveri ka ardhë në pushtet me manipulim, me kauza të rrejshme dhe unë kam një bindje personale se zoti Kurti shkel mbi kufomat e gjithsecilit vetëm me arrit vetë dhe me tha unë e kam ban”, deklaroi deputetja e LDK-së.
Bunjaku-Rexhepi në një intervistë për Gazetën Blic ka komentuar edhe takimin e datës 4 prill që pritet të mbahet ndërmjet Besnik Bislimit dhe Petar Petkoviq në Bruksel
“Si mundet me besu unë tek Bislimi, kur i njëjti ka pas deklaru se atë ditë që do të ketë Asociacion Bisnik Bislimi nuk do të jetë më në Qeveri. E tani Asociacionin e pranuan këta vetë dhe i njëjti vazhdon të jetë në Qeveri. Eshtë shumë e ulët me diskutu për Besnik Bislimin, sepse nuk i besoj absolutisht. Ai mundet me shku në bisedime edhe me u kthy por kurgja nuk është në favor të Republikës së Kosovës. nëso po flasim për Asociacionin si po e quajnë këta, këta qysh herët e kanë refuzu decentralizimin, Vetëvendosja ka shkatërru kundër decentralizimit, ka refuzu edhe Pakon e Ahtisarit. Edhe këtë Pavarësi zoti Kurti e ka kundërshtu, himnin s’e ka pranu. Tani po i pranon të gjitha, është mirë me ditë qytetarët se kauzat e tij kanë qenë komplet të rrejshme. Aq më pak s’mundem me i besu Bislimit në këtë rast sepse çdo gjë që ka folur u vërtetu e kundërta”, tha deputetja e LDK-së.
