Një traget pasagjerësh ka marrë flakë gjatë natës në jug të Filipineve, duke vrarë të paktën 10 persona dhe duke lënë të paktën 7 të tjerë të zhdukur, thanë zyrtarët të enjten, transmeton InLajmi.
Trageti ishte në det pranë provincës jugore të ishullit Basilan kur zjarri shpërtheu të mërkurën, tha roja bregdetare e Filipineve. Shkaku i zjarrit nuk ishte i qartë menjëherë dhe roja bregdetare tha se një hetim ishte duke u zhvilluar.
Punonjësit e urgjencës kishin shpëtuar 233 njerëz nga anija që nga mëngjesi i së enjtes, përfshirë 35 anëtarë të ekuipazhit, tha roja bregdetare lokale. Qeveria tha se 7 të tjerë mbetën të zhdukur.
Nuk ishte e qartë se sa njerëz kishte trageti kur mori flakë. Agjencia e menaxhimit të fatkeqësive në Basilan të enjten e vendosi shifrën në 230, pak më e ulët se numri i njerëzve që zyrtarët e bregdetit thanë se ishin shpëtuar.
Mospërputhje të tilla nuk janë të pazakonta në Filipine, një arkipelag me më shumë se 7.100 ishuj, ku anijet shpesh transportojnë më shumë njerëz sesa rendisin në listat e tyre zyrtare të pasagjerëve, shkruan New York Times.
Udhëtimi në det është mënyra më e lirë e transportit në Filipine, dhe aksidentet detare ndodhin disi rregullisht. Vitin e kaluar, 7 persona vdiqën pasi një traget me 124 pasagjerë mori flakë menjëherë pasi u nis nga Polillo Island, në lindje të kryeqytetit të Filipineve, Manila. Më shumë se 100 njerëz të tjerë u shpëtuan. /InLajmi/
