Kryeministi i Kosovës Albin Kurti, ka thënë se më 4 prill në Bruksel do të diskutohet çështja e zbatimit të marrëveshjes me Serbinë, por jo në mes tij dhe presidentit Vuçiq, por mes kryenegociatorëve, raporton InLajmi.
“Më 4 prill në Bruksel do të diskutohen çështjet e zbatimit të marrëveshjes që tashmë është dakorduar. Ka marrëveshje, ekziston marrëveshja dhe është shumë e qartë e publike për të gjithë. Kemi nevojë për zbatim të saktë e të shpejtë të saj. Prandaj do të organizohet një takim në nivel të kryenegociatorëve”, ka thënë Kurti për gazetarë pasi mori pjesë në lansimin e projektit “Përafrimi i ligjeve dhe politikave me Konvetën e Stambollit”, ka deklaruar Kurti.
Kurti komentoi deklaratën e emisarit të BE-së Joseph Borrell se “marrëveshja duhet zbatuar me urgjencë” ndërsa shtoi se kjo “urgjencë” ka të bëjë me çështjet e të pagjeturve.
“Marrëveshja duhet zbatuar e tëra. Nuk ka mundësi që diçka të zbatohet e diçka jo. Siç nuk mund të ketë nënshkrim të njëanshëm të marrëveshjes e aneksit, ashtu s’mund të ketë as zbatim të njëanshëm të tyre. Marrëveshjen nuk duhet copëtuar me marrë pjesët e preferuara. Te fjala që thatë ju ‘urgjencë’, ajo është pikërisht te fjalia që ka të bëjë me të pagjeturit, të zhdukurit me dhunë”, tha Kurti. /InLajmi/
