Ish-kryeministri Avdullah Hoti, i ka reaguar ministrit të Financave Hekuran Muratit, pasi ky i fundit deklaroi se “deficiti buxhetor po zvogëlohet në rekord historik” derisa shtoi se financat publike janë kthyer në binarë, përcjell InLajmi.
Sipas Hotit, prezantimi i suficitit buxhetor si sukses në kohën e inflacionit është naivitet.
Hoti shpjegon se pa rritje ekononomike nuk ka kuptim suficiti buxhetor.
Ish-kryeministri i cili njëherësh është edhe ekonomist thekson se buxheti del në suficit, kur pagat nuk rriten dhe bllokohen miliona euro.
Postimi i plotë i tij:
Të prezantohet si sukses suficiti buxhetor në kohën e krizës së inflacionit dhe krizës energjetike është naivitet. Sikur të kishim rritje ekonomike 10%, ndoshta edhe do të kishte kuptim suficiti buxhetor.
Por, në situatën kur pagat nuk rriten dhe bllokohen miliona euro të investimeve kapitale, sigurisht se buxheti del në suficit. /InLajmi/
