Aleanca për Ardhmërinë e Kosovës ka shprehur mbështetje për Marshin për Drejtësi që do të organizohet këtë të diel për ish-krerët e UÇK-së, të cilët po gjykohen në Gjykatën Speciale aktualisht në Hagë, përcjell InLajmi.
Në njoftimin e tyre thuhet “Ne gjithmonë kemi besuar në pafajësinë e pjesëtarëve të UÇK-së dhe në vlerat e lirisë dhe e kemi mbështetur drejtësinë ndërkombëtare me qëllim të pastrimit të luftës së drejtë të popullit shqiptar për liri”.
Në fund, zyrtarë nga AAK theksojnë se marshimi për drejtësi është e drejtë dhe vlerë demokratike ndërsa theksojnë se gjithmonë do të jenë në shërbim të vlerave dhe të drejtësisë. /InLajmi/
