Raste të shumta të dhunës vazhdojnë të mbesin shqetësimin për qytetarët e Kosovës, dukuri e cila kjo po vjen në shprehje dita ditës më shumë edhe përkundër angazhimit të institucioneve të sigurisë dhe institucioneve relevante që intervenojnë për minimizimin e këtë devijim shoqëror, shkruan InLajmi.
Termi dhunë është gjithëpërfshirës, por brenda kësaj bëhet kategorizimi i nivelit të dhunës, ndaj kujt është përdoruar dhuna, cila është shkalla e lëndimit, e dëmit nga dhuna, personave, mjeteve që janë përdoruar gjatë dhunës dhe ndaj kujt është përdoruar dhuna duke vlerësuar edhe rrethanat tjera se ato raste të dhunës rrezikojnë jetën e personave fizik apo edhe kanë reflektim negativ edhe në sigurinë kolektive.
Përveç dhunës në familje që është një shqetësim në vete, dhuna si dukuri vazhdon edhe përtej rrethit familjar, përdorimi i dhunës fizike edhe në rrugë, ambiente shkollore, e ku jo tjetër.
Arsyet që qojnë një person të përdorë dhunën fizike ndaj tjetrit janë të shumta e secila ka specifikat e saj, e krahas kësaj përdorimi i dhunës fizike në raste përfundon me lëndime trupore e emocionale të rënda pa përjashtuar këtu edhe rastin e vdekjeve si pasoj e përdorimit të mjeteve të rrezikshme.
Se dhuna fizike mbetet dukuri aktive në shoqëri e tregojnë edhe statistikat zyrtare të Policisë së Kosovës.
Gazeta InLajmi kontaktoi me Policinë e Kosovës ku këta të fundit në një përgjigje me shkrim treguan se gjatë muajit Janar të këtij viti 4 raste përfunduan me lëndime.
Tutje nga policia kanë bërë të ditur se në muajin shkurt pati 2 raste të dhunës fizike në mes personave që përfunduan me lëndime.
Gjithnjë sipas statistikave zyrtare, raste të dhunës fizike janë regjistruar pak më shumë në muajin janar.
“Gjatë muajit janar janë gjithsej 4 raste, ndërsa për muajin Shkurt janë gjithsej 2 raste të dhunës fizike që përfunduan me lëndime”, thuhet në përgjigjen e Policisë së Kosovës për InLajmin.
Ndryshe sipas nenit 187 të Kodit Penal të Kosovës, pika një kushdo që përdor me dashje forcën ndaj personi tjetër dënohet me gjobë ose burgim deri në 3 vite.
Ndërkaq pika 2 e këtij neni thotë se nëse gjatë kryerjes së aktit të dhunës me përdorimin e ndonjë mjeti të mprehtë, të rrezikshëm që mund të shkaktoj lëndim të rënde trupor apo dëmtim të rëndë të shëndetit kryerësi mund të dënohet nga 6 muaj deri në 5 vjet burgim.
E pika e 3 e këtij neni thotë se kushdo që përdor dhunën me dashje ndaj personit tjetër kryerësi i veprës dënohet prej 6 muaj deri në 3 vjet burgim. /InLajmi/
