Vatikani i ka kthyer Greqisë 3 fragmente të skulpturave të Partenonit të mbajtura prej shekujsh në muzetë e tij. Vendimi për kthimin e mermerëve 2500-vjeçarë u njoftua nga Papa Françesku, vitin e kaluar, i cili e cilësoi atë si një gjest miqësie.
Një nga fragmentet paraqet kokën e një djali, tjetri kokën e një kali dhe i 3-ti në kokën e një burri me mjekër.
Ato u zbuluan në një ceremoni në Muzeun e Akropolit në Athinë, një hapësirë ekspozite e ndërtuar qëllimisht për të vendosur Mermeret e Partenonit. Mermeret, të njohura edhe si Mermeret Elgin, u ekspozuan në Muzeun Britanik.
Zyrtarët grekë theksuan se kthimi i fragmenteve ishte një hap drejt kthimit të mëtejshëm të skulpturave të Partenonit, duke iu referuar koleksionit shumë më të madh të mbajtur në Muzeun Britanik që Greqia është përpjekur të rikuperojë prej dekadash.
Të 2-ja vendet kanë qenë në mosmarrëveshje rreth skulpturave të hequra nga tempulli i shekullit të pestë para Krishtit nga Lord Elgin. Ambasadori i atëhershëm i Britanisë në Perandorinë Osmane më pas ia shiti qeverisë britanike.
Ministrja e Kulturës e Greqisë, Lina Mendoni, e cilësoi vendimin si heroik duke shtuar se “Iniciativa si këto tregojnë rrugën që ne mund të ndjekim… në mënyrë që uniteti i Partenonit të rivendoset”.
Vatikani ka qenë i kujdesshëm për ta cilësuar kthimin një “dhurim” për kryepeshkopin ortodoks të Athinës dhe të gjithë Greqisë, Ieronymos II, dhe jo një transferim nga shteti në shtet.
Oferta u pranua menjëherë nga Ieronymos II i cili tha se fragmentet do të shkonin në Muzeun e Akropolit. Në ceremoninë në Athinë, ai e përshkroi gjestin e Papa Françeskut “me rëndësi historike” dhe shprehu dëshirën “që të tjerët ta imitojnë atë”, shkruan A2CNN.
Muzeu Britanik nuk lejohet me ligj të kthejë përgjithmonë veprat e artit në Greqi, por raportet gjatë vitit të kaluar kanë sugjeruar se është bërë përparim në gjetjen e një zgjidhjeje.
