Një ngjarje e rëndë ka ndodhur në Shqipëri. Disa persona të panjohur kanë qëlluar me armë zjarri në drejtim të ambienteve të Top Channel, përcjell InLajmi.
Si pasojë e të shtënave ka humbur jetën roja i sigurisë.
Policia e Shqipërisë ka filluar hetimet për zbardhjen e rrethanave të ngjarjes.
Shërbimet e policisë janë duke vijuar punën për identifikimin në kapjen e autorëve.
Njoftimi i plotë nga Policia e Shqipërisë:
Më datë 27.03.2023, rreth orës 01:00, në Mëzes, në rrethana ende të paqarta, nga persona ende të paidentifikuar, është qëlluar me armë zjarri në drejtim të ambienteve të Top Channel.
Si pasojë e të shtënave ka humbur jetën roja i sigurisë shtetasi P. K., 60 vjeç (punonjës i një shoqërie për ruajtjen fizike të objekteve).
Është ngritur grupi hetimor dhe nën drejtimin e Prokurorisë vijon puna intensive për zbardhjen e rrethanave të ngjarjes, sekuestrimin e provave që do të shërbejnë për zbardhjen e ngjarjes, identifikimin dhe kapjen e autorëve.
Shërbimet e Policisë kanë ngritur pikat e kontrolleve dhe vijon puna për identifikimin e kapjen e autorëve. /InLajmi/
