Policia e Kosovës ka konfirmuar plagosjen e 2 personave mbrëmjen e së hënës rreth orës 20:20 në rrugën ‘Qamil Hoxha’ në Prishtinë, shkruan InLajmi.
Lajmin e ka konfirmuar për InLajmin zëdhënësja e Policisë për rajonin e Prishtinës, Flora Ahmeti.
Ajo tha se të 2 personat e plagosur janë dërguar për të marrë tretman mjekësor.
Ndërsa personat e dyshuar, Ahmeti thotë se janë identifikuar nga Policia dhe janë në kërkim të tyre që ndodhen në arrati.
“Rreth orës 20:20, kemi marrë informatën për të shtëna me armë në rrugën Qamil Hoxha në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen”, tha Ahmeti .
Ajo ka theksuar se hetuesit policor në koordinim me prokurorinë, po ndërmarrin veprimet hetimore për ndriçimin e plotë të rastit./InLajmi/
