“Princi i Pop-it”, Justin Bieber, është gati të dalë në pension në moshën vetëm 29-vjeçare! Sipas informacioneve të RadarOnline.com, fenomeni i industrisë botërore të muzikës, i cili vlen rreth 200 milionë dollarë dëshiron të tërhiqet nga publiku dhe karriera e tij.
“Justin nuk ka qenë rehat me botën për një kohë të gjatë dhe fama e tij po e dëmton,” zbuloi një mik i këngëtarit. Duke përmendur probleme shëndetësore, Bieber përfundoi befas turneun e tij ‘Justice World Tour’ vitin e kaluar, duke përmendur probleme shëndetësore dhe rraskapitje.
“Justin mendon se presioni i industrisë së muzikës nuk po i bën mirë. Ai thjesht dëshiron të zhduket me Hailey-n dhe të shijojë paratë e tij,” ka treguar një tjetër burim. Më herët në mars, Bieber anuloi koncertin e tij më të fundit, duke zemëruar fansat e tij, transmeton Living.al
Sipas DailyMail, në fakt nuk ishte vendimi i tij, por një rekomandim urgjent nga mjekët e tij. Burime pranë këngëtarit thonë se edhe një herë arsyeja pse mjekët e shtynë të mos shkonte në turneun e tij botëror kishte të bënte me betejën e tij me sindromën Ramsey Hunt. Në qershor 2022, Bieber ndau me ndjekësit e tij në Instagram se ai ishte i paralizuar në gjysmën e fytyrës për shkak të sindromës Ramsey Hunt. Ramsay Hunt shkaktohet nga një virus në nervin e fytyrës që çon në paralizë. Më pak se gjysma e pacientëve do të shërohen plotësisht.
