Në një rrugë dytësore në Bërnjak janë vendosur pengesa nga persona të panjohur, përcjell InLajmi.
Në raportin e Policisë së Kosovës thuhet “është raportuar se në një rrugë dytësore afër pikës kufitare Bërnjak janë vendosur disa pengesa, si dhe në një pusetë të rrugës ishte vendosur një mjet artizanal i përbërë me gozhda që shërben për dëmtim të gomave të automjeteve”.
Policia e Kosovës ka dalë në vendin e ngjarjes dhe ka liruar rrugën nga pengesat ndërsa rasti vazhdon të hetohet.
Njoftimi i plotë i Policisë së Kosovës:
RREZIKIM I TRAFIKUT PUBLIK ME VEPRIME APO MJETE TË RREZIKSHME/Banje, Zubin Potok 25.03.2023, 20:07. Është raportuar se në një rrugë dytësore afër pikës kufitare Bërnjakë janë vendosur disa pengesa (drunjë) si dhe në një pusetë të rrugës ishte vendosur një mjet artizanal i përbërë me gozhda që shërben për dëmtim të gomave të automjeteve. Njësit policore kanë dal në vendin e ngjarjes dhe i kanë larguar pengesat. Me vendim të prokurorit rasti vazhdon të hetohet. /InLajmi/
