Më 25, 26 e 27 mars të vitit 1999, në fshatin Krushë të Rahovecit u bë masakra më e madhe ndaj popullates civile nga ushtria serbe, shkruan InLajmi.
Më 24 mars, ushtria dhe policia e Jugosllavisë rrethuan Krushën e Madhe dhe Krushën e Vogël. Pasi granatuan këto 2 fshatra, policia dhe ushtria filluan djegien dhe plaçkitjen e shtëpive të shqiptarëve të Kosovës, i larguan të gjitha veturat private dhe kështu bëri që shumë fshatarë të fshihen nëpër bodrumet e nëndheshme apo vende të tjera më të sigurta. Më 25 mars, ushtria serbe kreu masakrën mbi banorët e Krushës, duke lënë kështu 105 të vrarë.
Sipas dëshmitarëve shqiptarë, një njësi speciale e policisë hyri në fshat, veçoi burrat dhe djemtë dhe i vrau. Pastaj, gratë dhe fëmijët u larguan me forcë.
Krusha e Madhe përkujton sot të vrarët dhe të masakruarit nga forcat serbe, ku nuk janë kursyer as gratë, fëmijët dhe pleqtë. /InLajmi/
