Deputetja e Lidhjes Demokratike të Kosovës Rrezarta Krasniqi, i ka reaguar ministrit të Infrastrukturës Liburn Aliut, pasi ky i fundit publikoi njoftimin specifik për Prokurimin për Shërbimet Konsulente për Rishikim të Dizajnit dhe Mbikëqyrjen e Punëve Ndërtimore në Rrugën N2 Prishtinë – Mitrovicë, me gjatësi 9.78 km, përcjell InLajmi.
Krasniqi kritikon ministrin Aliu për mungesë të planeve dhe veprimeve për infrastrukturën në Kosovë.
Ajo e pyet Aliun “Allahile qysh ia qite lapsin, 2 vjet punime në 9.78km rrugë?”
Për më tepër, ajo pyet Aliun se kur do të nisë punën edhe në autostradat e tjera, të cilat kanë mbetur të papërfunduara.
Me ironi ajo i drejtohet Aliut, duke i thënë “A mos të duhet edhe një mandat tjetër për t’i shtruar 20km asfallt?”.
Postimi i plotë i saj:
Mirëmëngjes ministër Liburn Aliu
Allahile qysh ja qite lapsin, 2 vjet punime në 9.78km rrugë? E me autostradat tjera çka do me bo, a kur do me i kry? A mos të duhet edhe një mandat tjetër për me i shtru 20km asfallt?
#Qeveripërfaqetëzezë /InLajmi/
