Ish-kryenegociatori për dialogun Kosovë-Serbi Skender Hyseni, ka reaguar pasi kryeministri Albin Kurti e pranoi Asociacionin, i cili tha se është vetëmenaxhim i serbëve lokalë, por që nuk ka kompetenca ekzekutive, përcjell InLajmi.
Hyseni është shprehur i habitur me reagimet që solli deklarata e Kurtit, duke thënë se të gjithë ata që u befasuan paskan besuar gënjeshtrat dhe mashtrimet e tij.
Ai theksoi se Kurti ishte i gatshëm të kallte Kosovën një dekadë më herët ndërsa sot po e pranon se i ka mashtruar qytetarët.
Për më tepër, Hyseni thotë se kryeministri Kurti prapë do të vazhdojë të mashtroj votuesit e tij.
Postimi i plotë i tij:
Më në fund e vërteta: Albin Kurti u tha qytetarëve: Faleminderit që besuat në kauzat e mia të rrejshme dhe më sollët në pushtet. Tash ka ardhur koha për zbatimin e asociacionit!!!
Habitem me befasinë që për shumë kend solli një deklaratë e Albin Kurtit për themelimin e asociacionit. Duket sheshazi që shumë nga të “befasuarit” paskan pasë besuar kohë të gjatë në gënjeshtrat dhe mashtrimet e tij! Ai, Kurti pra, kauzen e asociacionit, njësoj si ate të demarkacionit i ka pasë vetëm si instrumente për të fituar pushtetin për të cilin ishte i gatshëm ta kallte Kosovën, madje duke ecur mbi kufoma qytetarësh të pafajshëm dhe të mashtruar. I mbështetur për muri, të njejtëve qytetarë , Kurti tani, duke mos patur hapsirë për gënjeshtra më, ua thotë të vërtetën: “Unë, ua humba një dekadë duke ju mashtruar. Faleminderit që besuat në mashtrimet e mia dhe më sollët në pushtet. Tani që e fitova pushtetin, për herë të parë po ua them të vërtetën. Asociacionin do ta themeloj. Ndoshta edhe dicka më shumë se asociacion. Por ju qytetarët dhe votuesit e mi të dashur prap do te vazhdoni të më besoni sepse unë prap do të vazhdoj të ju gënjejë e mashtrojë!!!. /InLajmi/
