Ministri i Shëndetësisë, Arben Vitia këtë të mërkurë së bashku me Presidenten Osmani vizituan Klinikën e Gjinekologjisë, përcjell InLajmi.
Ministri Vitia ka thënë se shëndetësia po ballafaqohet me sfida e vështirësi, por ka dhe zgjidhje të cilat do t’i jetësojnë.
Vitia tha se ata do të sjellin dhe shërbime tjera të reja në shëndetësi.
Postimi i plotë i tij:
Për shëndetësinë tonë, që përballoi sfida të mëdha këto 2 vite, për personelin shëndetësor dhe për qytetarët tanë Presidentja, Kuvendi dhe për çdo orë e ditë Qeveria e Kosovës janë duke punuar e bashkërenduar mbështetjen.
Kemi tepër shumë vështirësi por dhe po aq zgjidhje të cilat po i jetësojmë.
Sot në Klinikën e Gjinekologjisë ishim për të parë nga afër të rejat në nisjen e fertilizimit të asistuar, e Kuvendi votoi në unanimitet Projektligjin për parandalimin dhe kontrollin e sëmundjeve ngjitëse.
Së shpejti të tjera të reja në shërbimin publik shëndetësor. /InLajmi/
