Myftiu i Kosovës, Naim Tërnava u është drejtuar këtë të mërkurë besimtarëve myslimanë me një mesazh urimi për muajin e Ramazanit, përcjell InLajmi.
Ai foli rreth rëndësisë së agjërimit të Ramazanit dhe mësimeve e mirësive të shumta që fitohen nga ky muaj.
“Në emër të Bashkësisë Islame të Kosovës, institucioneve të saj dhe në emrin tim personal ju drejtohem me përgëzimet dhe urimet më të mira, me bindje e shpresë që muajin e bekuar të Ramazanit ta presim e ta përjetojmë në formën më të mirë. Agjërimin, besimtarët e kryejnë me përkushtim e devocion për hir të krijuesit dhe për të merituar mëshirën dhe begatitë e tij, tha ai.
Mes tjerash myftiu Tërnava përmendi traditën e popullit tonë që njihet për bashkëjetesë, lutje respektim e vizita të ndërsjella me njëri-tjetrin, solidaritet, humanitet e bashkëndjesi.
Duke parë luftërat e konfliktet e ndryshme në shoqëri, myftiu Tërnava uroi që sa më parë të ndalen këto probleme dhe popujt të jetojnë të qetë në paqe e harmoni. /InLajmi/
