Kryetari i Partisë Demokratike të Kosovës, Memli Karsniqi, ka takuar në takime të ndara, Grupin Parlamentar të PDK-së, Kryesinë e PDK-së dhe kryetarët e degëve, përcjell InLajmi.
Gjatë këtyre takimeve, kryetari PDK-së Memli Krasniqi ka diskutuar për zhvillimet e fundit në vend, me theks të veçantë për “Marshin për Drejtësi”, i organizuar nga platforma “Liria ka emër”, për datën 2 prill nga ora 14:00 në Prishtinë, në solidarizim me krerët e UÇK-së në Hagë, para nisjes së procesit gjyqësor.
Kreu i PDK-së i ka ftuar të gjithë përfaqësuesit e PDK-së në organet drejtuese që të organizohen dhe të ftojnë çdo aktivist, votues dhe secilin qytetarë të Kosovës pa dallim që t’i bashkohen Marshit për drejtësi, më 2 prill.
Kryetari Krasniqi ka theksuar se mesazhi i Marshit për Drejtësi është paqësor në solidarizim me krerët e luftës e paqes, Hashim Thaçit, Kadri Veselit, Jakup Krasniqit, Rexhep Selimit dhe bashkëluftëtarëve të tyre, para fillimit të procesit gjyqësor. /InLajmi/
