“Arkimed Lushaj nuk e bën kurrë, kurrën e kurrës, nuk hyn në Big Brother”, kështu ishte deklaruar dikur, por këto fjalë si duket i harroi dhe pa u hamedësuar “Stresi” u bë pjesë e spektaklit “Big Brother Kosova Vip, shkruan InLajmi.
Rep-artstin Arkimed Lushaj, i njohur në publik si “Stresi” para 4 muajve të gjithë e njihnin si djalin “gangster” e “rrebel” në shumë raste edhe problematik.
Mirëpo hyrja e tij në reality-show “Big Brother Kosova Vip”, jo vetëm se ishte surprise për publikun, por ai me performancën e tij ndryshoi edhe formatin e “lojës” brenda shtëpisë.
Biseda, miqësi, debate të ashpra, emocione e lot, me pak fjalë brenda 103 ditëve artisti zbuloi një anë tjetër të tij.
Me një fjalë ishte njëra nga hyrjet më surprizuese të sezonës së parë të “BBVK” dhe miqësia me Getinjon ishte filli i tij në këtë spektakël.
Debatet këngëtari i filloi me Vivienin, njërën nga banorët e kësaj shtëpie lidhur me një situatë jashtë, e këto debate ai i vazhdoi me banorët e tjerë kurse përmbylli performances e tij në këtë spektakël me debate me banoren Juliana Nurën deri në finale.
Pikën këtyre debateve artisti ia vendosi me një deklaratë të fortë disa ditë para finales ku tha se nëse spektaklin do ta fitonte Juli, ai nuk do shkelte kurrë në Kosovë.
“Xhuli përfaqëson vetëm veten e vet në radhë të parë. Për mua do të ishte ofendimi më i madh personalisht nëse fiton Juliana. Kështu që, Juliana përfaqëson vetëm trupin e vet, mendjen, zemrën dhe karakterin që ka ajo. Në Kosovë nuk do të shkeli kurrë nëse fiton Juliana. Nuk e përfaqëson Kosovën një femër e tillë, përfaqëson vetëm shtëpinë e vet”, tha artisti.
Banorët e akuzuan Stresin për tradhti, lojë të dyfishtë, thika pas shpine e shumë çka tjetër, mirëpo as akuzat e tij ndaj banorëve të tjerë nuk kishin fund.
Lotët e emocionet që Arkimedi i shfaqi në njërin nga prime-t ku u befasua nga nëna e tij u bënë pjesë e çdo familjeve, e kjo pasi ai qau me ngashërim e nga ndjekësit u bë meme në rrjete sociale.
Në shumë raste Lushaj me emocione tregonte edhe storien e njohjes së tij më ish-gruan e tij Keisin ku edhe përmes kamerave ai i kërkonte asaj të kthehet.
Këto emocione, lot e debate bënë që reperi nga Shqipëria të kthehej në favoritin e banorëve në spektaklin më të famshëm në Kosovë.
E rrugëtimin e tij prej 103 ditëve e përmbylli me fitore në “Big Brother VIP-Kosova”, ku mori çmimin e madh prej 160.000 eurosh. Libona Gegaj/ InLajmi/
