Zëvëndëskryeministri i Kosovës, Besnik Bislimi ka reaguar rreth moslejimit për pjesëmarrje në konferencën e donatorëve në Bruksel të ministrit të Financave dhe Transfereve, Hekuran Muratit, për të prekurit nga tërmetet në Turqi dhe Siri, përcjell InLajmi.
Bislimi e ka cilësuar si të padrejtë si dhe në kundërshtim me Marrëveshjen e Brukselit dhe karakterin e kësaj konference.
Ai shtoi se Kosova është partner i besueshëm për aleatët e saj, dhe se ndihma dhe mbështetja e Kosovës u pamundësua nga organizatori.
Postimi i plotë i tij:
Republika e Kosovës është treguar bujare në ndihmën e saj për të prekurit nga tërmetet shkatërruese të muajit të kaluar. Por e papranueshëm e pengesa për Kosovën dhe ministrin e Financave HekuranMurati për pjesëmarrje në konferencën e sotme të donatorëve për ndihmë të mëtejshme.
Është e padrejtë si dhe në kundërshtim me Marrëveshjen e Brukselit dhe karakterin e kësaj konference. Kosova është një partner i besueshëm për aleatët e saj, organizatat ndërkombëtare dhe iniciativat e përbashkëta. Ndihma dhe mbështetja jonë u pamundësua sot nga organizatori./InLajmi/
