Nipat e Sefë Mleqanit, Ismeti, Sefa dhe Shpëtimi kanë publikuar këngë kushtuar veprimtarit dhe ish-komandantit të Ushtrisë Çlirimtare të Kosovës, Haqif Kadriaj, përcjell InLajmi.
Më 19 mars përkujtohet njëvjetori i vdekjes së veprimtarit Haqif Kadriaj, i cili ka qenë komandant i Batalionit të Dytë të Brigadës 123 të Zonës së Pashtrakut.
Kjo nuk është hera e parë që nipat e Sefë Mleqanit i këndojnë heronjëve dhe ish-ushtarëve të UÇK-së. Ata po e vazhdojnë me aq zell e krenari traditën e familjes në këngë.
Teksti i këngës “Haqif Kadriaj” është shkruar nga Miliam Islami ndërsa muzikën, orkestrimin dhe incizimin e ka bërë Hysni Klinaku.
Rikujtojmë, se kënga e fundit e Ismet dhe Shpëtim Gashit titullohej “Na jem ti” dhe ishte dedikim për të gjithë dëshmorët që ranë për liri. /InLajmi/
