Ka përfunduar numërimi i votave për zgjedhjet presidenciale në Mal të Zi.
Milo Gjukanoviq ka fituar më së shumti vota, por duhet që të përballet me kandidatin Jakov Milatoviq në raundin e 2 pasi nuk ka arritur të marrë më shumë se gjysmën e votave.
Bazuar në mbi 99 % të kampionit të përpunuar, Milo Gjukanoviq ka fituar 35,3 % të votave, Jakov Milatoviq 29,2% , Andrija Mandiq 19,3 % Aleksa Beçiq 10,9% , Draginja Vuksanoviq Stankoviq 3,2 %
Goran Danilović fitoi 1.4% , ndërsa Jovan Radulović 0.8 %
Në zgjedhjet më të rëndësishme në vitet e fundit në Mal të Zi, sipas rezultateteve të para, do të duhet edhe një raund i 2 pasi që askush nuk ka arritur që të fitojë mbi 50% të votave, përcjell Gazeta Express.
Vendi po kalon nëpër krizë politike pasi që Gjukanoviq shpërndau edhe Kuvendin disa ditë para zgjedhjeve për president ndërsa kryeministri në detyrë, Dritan Abazoviq, është shkarkuar disa muaj më parë por asnjë parti nuk ka arritur të krijonte shumicën e nevojshme për të emëruar kryeministër të ri.
