Greva e protesta janë organizuar në mbarë Francën nga ana e sindikatave vendase, që kundërshtojnë me forcë planin e presidentit, Emmanuel Macron për të rritur moshën e daljes në pension, transmeton InLajmi.
Qeveria franceze ka përdorur kompetencat e posaçme kushtetuese të diskutueshme për të detyruar një rritje të moshës së pensionit mes skenave kaotike në parlament.
Presidenti, Emmanuel Macron, mori një vendim të minutës së fundit për të shmangur një votim parlamentar dhe në vend të kësaj të shtyjë planin e tij jopopullor për të rritur moshën e pensionit nga 62 në 64.
Vendimi i Macron çoi në protestë mbarëkombëtare popullin francez, protesta të cilat eskaluan ditëve të fundit, shkruan The Guardian.
Policia ka arrestuar pothuajse 50 persona të tjerë gjatë protestave në Paris, duke e çuar totalin në 120. Një oficer policie është plagosur gjatë një përplasje me protestuesit dhe rebelët. /InLajmi/
