Nënkryetarja e Lidhjes Demokratike të Kosovës Shqipe Mjekiqi, ka konfirmuar se është larguar nga pozita e nënkryetares dhe anëtares nga strukturat e LDK-së, përcjell InLajmi.
Mjekiqi ka thënë se arsyeja e largimit nga LDK është për shkak të hapësires së pamjaftueshme që ka pasur në këtë parti, pasi siç thotë ajo, përgjegjësitë dhe kompetencat i ka pasur të kufizuara në raport me pozicionin që mbante.
Në fund, ajo thekson se do të vazhdojë të mbetet me gjithë qenien në themelet e Lidhjes Demokratike të Kosovës.
Postimi i plotë i tij:
Të dashur qytetarë të Republikës së Kosovës,
Të nderuar përfaqësues të mediave,
Të martën, më 14 mars 2023, kam dhënë dorëheqje nga pozita e nënkryetares dhe anëtares së Kryesisë së Lidhjes Demokratike të Kosovës. Mundësinë për të shërbyer në strukturat e larta e morra si besim dhe konfirmim për vullnetin e mirë drejt ndryshimeve thelbësore.
Fatkeqësisht, hapsira për të kontribuar ishte e pamjaftueshme ndërkaq, përgjegjësitë dhe kompetencat ishin të kufizuara në raport me pozicionin që kisha. Për më tepër, përpjekjet për të ndryshuar këtë nuk patën sukses.
Vazhdoj të mbetem me gjithë qenien time në themelet e Lidhjes Demokratike të Kosovës.
Falënderoj nënkryetarët tjerë, anëtarët e Kryesisë si dhe gjithë strukturat e Lidhjes Demokratike të Kosovës për mbështetjen. Poashtu, falënderoj familjen time dhe miqtë e shumtë pa përkrahjen e të cilëve ky rrugëtim, sado i shkurtër, do të ishte i pamundshëm. /InLajmi/
