Këtë të enjte është shënuar 23-vjetori i protestës së grave ‘Bukë për gratë dhe familjet e Drenicës’, që u organizua më 16 mars të vitit 1998, përcjell InLajmi.
Deputetja e Partisë Demokratike të Kosovës Ganimete Musliu, ka kujtuar këtë protestë, ku mijëra gra e vajza ishin nisur këmbë për në Drenicë.
Musliu thekson se gratë nuk kishin arritur në Drenicë për shkak që ishin bllokuar nga forcat serbe në Fushë Kosovë.
Postimi i plotë i saj:
16 mars 1998: Mijëra gra e vajza ishin nisur këmbë për në Drenicë, pak ditë pas masakrave dhe betejave në Prekaz, Çirez e Likoshan ku u vranë e u masakruan më shumë se 80 shqiptarë, shumica civilë.
Ato nuk arritën në Drenicë përshkak se ishin bllokuar nga forcat serbe në Fushë Kosovë. Te vetmet gra që kishin arritur deri në Polac ishin gratë e Vushtrrisë të cilat kishin ardhur përmes Çiçavicës.
Photo credit: Michele Pero. /InLajmi/
