Përfundojnë punimet e mirëmbajtjes, restaurimit, konsolidimit, në monumentin e kulturës së kategorisë I “Kompleksi Urbanistik Islamik – Xhermëhallë”, ndodhur në Bashkinë Delvinë, pjesë e paketës së mirëmbajtjes të DRTK Vlorë.
Lajmi u dha nga ministrja e Kulturës, Elva Margariti, e cila publikoi në rrjetet sociale një album fotografik të monumentit, tashmë i restauruar dhe i gatshëm të presë turistët e sezonit turistik që është në prag.
Punimet u shtrinë në hamam, tyrbe, rrënoja, duke ua kthyer ato komunitetit të zonës dhe turizmit kulturor, shkruan ATSH.
Për vetë rëndësinë fetare që mbart ky kompleks objektesh kulti, i cili daton rreth shek. 16 pas ndërhyrjeve restauruese, ai do të jetë një vlerë e shtuar jo vetëm për trashëgiminë kulturore të qytetit të Delvinës por edhe në funksion të plotë për shërbesat fetare të besimtarëve të zonës si dhe i aksesueshëm për të gjithë vizitorët.
