Njohësi i zhvillimeve politike, Visar Xani, vlerësoi që Kosova nuk duhet të dalë si palë refuzuese, në takimin e 18 marsit në Ohër.
“Në aspekt praktik, nuk do të shohë një sukses historik, ose një zgjidhje e problemit të shtunën, por që është në interes të Kosovës. Të paktën të mos dalim si palë refuzuese. Duhet të tregohemi një palë që me të vërtetë e vlerëson procesin dhe pastaj pjesët tjera janë më të lehta për të vazhduar tutje. Nëse Kosova del si palë refuzuese, atëherë do llogaritet më shumë si dështim, për shkak që presioni vërtetë do të jetë mbi Kosovën”, deklaroi Xani
Njëherit, Xani tha se që nga shpallja e pavarësisë e deri më sot, marrëveshja e vetme që bën dallimin në aspekt të promovimit të shtetësisë, është kjo marrëveshje e propozuar nga Bashkimi Evropian.
“Arritja e marrëveshjes në Ohër, duket pak e komplikuar. Por, sigurisht që karta amerikane dhe evropiane është në terren. Një marrëveshje e cila mundëson zhvillimin e shtetit, i mundëson Kosovës anëtarësim në mekanizma të rëndësishëm dhe si i tillë konsideroj që është marrëveshje pozitive”, shtoi tutje Xani në Tëvë1.
Madje sipas Xanit, Serbia e ka përdorur çështjen e Asociacionit si kartë politike dhe presion politik, e jo që i ka interesuar me të vërtetë
