Lideri i PDK-së, Memli Krasniqi këtë të mërkurë ka realizuar një bisedë telefonike me të dërguarin special të Gjermanisë për Ballkanin Perëndimor, Manuel Sarrazin, përcjell InLajmi.
Krasniqi njoftoi se ata diskutuan me gjerësisht për propozimin evropian dhe situatës aktuale në Kosovë.
Po ashtu edhe në këtë bisedë telefonike Krasniqi i tregoi rezervat që ai dhe partia e tij i kanë në raport me propozimin evropian
Postimi i plotë i tij:
Sot zhvillova një telefonatë me të dërguarin special të Gjermanisë për Ballkanin Perëndimor, Manuel Sarrazin, me të cilin diskutuam gjerësisht për propozimin evropian, të pranuar tashmë nga Kryeministri Kurti.
Sikur edhe në takimet e tjera të këtyre ditëve, edhe emisarit Sarrazin i ripërsërita qëndrimin e PDK-së dhe rezervat që ne kemi në raport me këtë propozim, që është i pamjaftueshëm për Kosovën
Unë i kam deklaruar në Ëashington, Bruksel dhe në Kuvend të Kosovës 5 pikat të cilat duhet të jenë shtylla të një marrëveshje finale, gjithëpërfshirëse, ligjërisht dhe ndërkombëtarisht të obligueshme me Serbinë. Që të gjitha kanë qenë në linjë me interesin shtetëror të Kosovës dhe me qëndrimet e partnerëve tanë ndërkombëtarë.
Fatkeqësisht, si pasojë e kokëfortësisë së tij dhe mos koordinimit me aleatët tanë, Kryeministri Kurti ka dështuar në procesin e dialogut – duke mos përmbushur kërkesat dhe qëllimet tona shtetërore. /InLajmi/
