Qeveria e Republikës së Kosovës këtë të mërkurë mbajti mbledhjen e saj të radhës në formë elektronike, përcjell InLajmi.
Qeveria ka miratuar nismën për lidhjen e Marrëveshjes për ndryshimin dhe plotësimin e Marrëveshjes për Transportin Ndërkombëtar Rrugor të Mallrave dhe në Transportin e Kombinuar ndërmjet Qeverisë së Republikës së Kosovës dhe Qeverisë së Republikës së Austrisë.
Gjithashtu në njoftimin e Qeverisë thuhet se është miratuar edhe nisma për lidhjen e Marrëveshjes për ndryshimin dhe plotësimin e Marrëveshjes për Transportin Ndërkombëtar Rrugor të Udhëtarëve si shërbim i rregullt dhe jo i rregullt ndërmjet Qeverisë së Republikës së Kosovës dhe Qeverisë së Republikës së Austrisë./InLajmi/