Byroja Kosovare e Sigurimit ka paralajmëruar se nga data 16 mars asnjë automjet në rrugët e Kosovës nuk duhet të jetë pa ngjitës apo stikers, përcjell InLajmi.
Vendimi për vendosjen e stikersave është marrë nga BKS për të dëshmuar se automjeti në fjalë e ka kryer procesin e regjistrimit sipas ligjit në fuqi.
Drejtori i Byrosë Kosovare të Sigurimit, Sami Mazreku vlerëson se projekti në fjalë ka dhënë rezultate të mëdha vitin e parë, por shpreson se rezultatet edhe më të mëdha do të ketë këtë vit.
BKS synon që përmes këtij projekti të ulet numri i automjeteve të paregjistruara në vendin tonë.
Njoftimi i plotë nga BSK:
Nga nesër (e enjte), 16 mars 2023, asnjë automjet nëpër rrugët e Kosovës nuk duhet të jetë pa ngjitës (stikers) i cili dëshmon se automjeti në fjalë ka të kryer procesin e regjistrimit, ashtu siç parashihet me ligjet në fuqi.
Gjatë vitit të parë të zbatimit të projektit për vendosjen e ngjitëseve, i mbështetur financiarisht 100 % nga kompanitë e sigurimeve që operojnë në vendin tonë rezultatet janë të dukshme.
Por, efekti do të jetë më i madh nga nesër 16.03.2023, kur asnjë veturë nëpër rrugët e Kosovës më nuk duhet të jetë pa stikers
Drejtori i Byrosë Kosovare të Sigurimit Sami Mazreku vlerëson se projekti në fjalë ka dhënë rezultate të mëdha vitin e parë, por rezultat edhe më të mëdha do të jepen sivjet.
“Vitin e parë ngjitësi ka pasur ngjyrë të kuqe, ketë vit ka ngjyrë të gjelbër dhe praktikisht sot behën 1 vit, kështu që nga nesër asnjë automjetet nëpër rrugët e Kosovës nuk duhet të jetë pa ngjitës” vlerëson drejtori Mazreku
Sipas tij, përmes këtij projekti pritet edhe më shumë ulja e numrit të automjeteve të paregjistruara në vendin tonë. /InLajmi/
