Një shkollë është përfshirë nga zjarri në orët e hershme të mëngjesit të së martës në rrugën “Ramadan Rexhepi” në Ferizaj, përcjell InLajmi.
Lajmin e ka konfirmuar për Gazetën InLajmi zëdhënësi i Policisë për rajonin e Ferizajit, Kanun Veseli, i cili njoftoi se shkolla e djegur ka qenë e vjetër dhe jofunksionale.
Ekipet e policisë dhe të zjarrfikësve kanë dalë në vendin e ngjarjes.
Nuk raportohet për të lënduar.
Njoftimi i plotë nga Policia e Kosovës:
Rreth orës 04:25 kemi pranuar një informate se në një objekt shkolle të vjetër jo funksionale në rrugën “Ramadan Rexhepi” është një incident zjarri . Ekipe të policisë, zjarrfikësve kanë dalë menjëherë në vendin e ngjarjes. Zjarri është lokalizuar, veç dëmeve materiale nuk raportohet për të lënduar. /InLajmi/
