Ministrja e Industrisë, Ndërmarrësisë dhe Tregtisë, Rozeta Hajdari, në mbledhjen e mbajtur këtë të martë nga komisioni për Ekonomi, Industri, Ndërmarrësi dhe Tregti, ka lavdëruar punën e Qeverisë së Kosovës sa i përket rritjes së bizneseve në Kosovë, raporton InLajmi.
Hajdari tha se përmirësimi i klimës së të bërit biznes në Kosovë është realizuar falë masave të krijuara nga Qeveria e Kosovës.
Për më tepër, Hajdari tha se Qeveria ka ekzekutuar rreth 5.5 milionë euro për bizneset.
“Tani në Kuvend është edhe ligji për Konsumatorin. Gjatë vitit 2022 kemi realizuar inicimin e marrëveshjes të tregut të lirë me vendet e CEFTA-s. Kemi negociuar edhe marrëveshjen e tregut të përbashkët, negociatat kanë përfunduar dhe tani do të krijohet drafti. Kemi ekzekutuar rreth 5.5 milionë euro për bizneset përfituese, bashkë me MFPT. Nga marsi i vitit 2022 janë realizuar 3 sesione informuese për bizneset e diasporës. Eksporti i mallrave në vitin 2022 kemi rritje për 26% rritje”. /InLajmi/
