Filharmonia e Kosovës e ka shpallur vitin 2023 si viti i Rexho Mulliqit në 100-vjetorin e lindjes së tij, përcjell InLajmi.
Filharmonia e Kosovës përgjatë gjithë sezonit do të rikthejë në programin e saj vepra nga krijimtaria e Rexho Mulliqit, i cili ishte një prej kompozitorëve më eminent shqiptar.
Koncerti i parë do të fillojë të premten mbrëma nga ora 20:00.
Në këtë koncert në rolin e solistit rikthehet koncert-mjeshtri i Filharmonisë së Kosovës Visar Kuçi, i cili do të luajë “Koncert për violinë nr. 1” nga Prokofievi.
Postimi i plotë nga Filharmonia e Kosovës:
Filharmonia e Kosovës organizon koncert të premten mbrëma prej orës 20:00. Me këtë rast shënohet një përvjetor i rëndësishëm në muzikën artistike të Kosovës, 100-vjetori i lindjes së kompozitorit Rexho Mulliqi (1923-1982). Filharmonia shpall vitin 2023, viti i Rexho Mulliqit dhe përgjatë gjithë sezonit do të rikthej në programin e saj vepra nga krijimtaria e njërit prej kompozitorëve më eminent shqiptar. Poashtu në këtë koncert në rolin e solistit rikthehet koncert-mjeshtri i Filharmonisë së Kosovës Visar Kuçi, i cili do të luaj “Koncert për violinë nr. 1” nga Prokofievi. Pjesa e parë e koncertit është rezervuar për prezantimin tradicional të pianistëve të rinj në bashkëpunim me Dam Festival dhe International Piano Competition “Pianisti i Ri”-“The Young Pianist”-Kosovo, këtë herë me fituesen e çmimit “Pianisti i Ri 2022” Vesa Berisha e cila do të luaj kohën e parë të “Koncertit për piano nr. 3” nga Beethoveni. Orkestra e Filharmonisë së Kosovës do të drejtohet nga mjeshtri francez-zviceran Antoine Marguier. /InLajmi/
