Ministria e Infrastrukturës ka hapur procedurat e prokurimit për ndërtimin e Rrugës Nacionale Kijevë-Zahaq, përkatësisht segmenti Kijevë-Dollc, përcjell InLajmi.
Lajmin e ka bërë të ditur ministri i Infrastrukturës Liburn Aliu.
Ai ka njoftuar se rruga është e ndarë në 4 llote me gjatësi totale 12.8 km dhe me buxhet të planifikuar prej 32 milionë euro.
Aliu theksoi se kjo rrugë do të ndikojë drejtpërdrejt në jetën e mijëra banorëve dhe do të shërbejë si mundësi për zhvillimin ekonomik të të gjithë zonës së rrafshit të Dukagjinit.
Postimi i plotë i tij:
Janë hapur procedurat e prokurimit për ndërtimin e Rrugës Nacionale N9 Kijevë-Zahaq, përkatësisht segmenti Kijevë-Dollc. ✅
Rruga është e ndarë në 4 llote me gjatësi totale 12.8 km dhe me buxhet të planifikuar prej 32 milionë €.
Lot 1: 8,200,000.00 €
Lot 2: 7,400,000.00 €
Lot 3: 6,300,000.00 €
Lot 4: 10,100,000.00 €
🛣 Kjo rrugë do të ndikojë drejtpërdrejt në jetën e mijëra banorëve dhe do të shërbejë si mundësi për zhvillimin ekonomik të të gjithë zonës së rrafshit të Dukagjinit. /InLajmi/
