Njohësi i çështjeve politike, Shkelzen Maliqi, vlerëson se propozimi evropian është një marrëveshje parimore që ia vendos themelet marrëveshjes finale.
Maliqi ka thënë se marrëveshja finale me Serbinë mund të vije pas 10 vjetësh kur ky vend t’i ketë plotësuar kriteret për anëtarësim në Bashkimin Evropian.
“Marrëveshja është jo finale por parimore që ia vendos themelet e asaj finales dhe me projektin e implementimit edhe njëfarë dore ma shumë në këto non-paper, deklaratat e diplomatëve e ekspertëve që ndoshta na duhen një periudhë 10-vjeçare derisa të plotësohen të gjitha konditat që p.sh që Serbia me marrë një shpërblim se po futet në BE, sepse nuk ke me çka me josh Serbinë që me hjek dorë, prej asaj tapisë që mendon se e ka mbi Kosovën dhe nuk e kontrollon”, ka deklaruar Maliqi në ResPublika.
Maliqi ka shtuar se pajtimi i shpejt me Serbinë është vështirë i arritshëm, shkruan Tëvë1.
“Edhe për Kosovën vlen e njëjta. Tash kur u bën më kooperativë na dhanë edhe këtë liberalizimin e vizave. Kjo është në këtë aspekt sepse kancelaritë e botës dhe qendrat strategjike e shohin se pajtimi nuk mundet me u arrit shpejt, pajtimet e shpejta realizohen kur eventualisht me pas përfundu ai intervenimi i 1999 me okupim të Serbisë, me pas hy këmbësoria qysh ka kërkuar Toni Bleri…por jo sepse NATO ka intervenuar me bomba dhe t’i kur e okupon një territor mundesh me ia diktu kushtet e paqes, ne atë se kem pas. Gjënë e parë që e ka kërkuar NATO kur ka ardhë në Kosovë ka qenë demilitarizimi i UÇK-së. Kjo ka qenë pak traumatike, pse tash neve po na marrin armët”, ka shtuar ai.
