Lideri i PDK-së Memli Krasniqi njoftoi se ka pritur në takim ambasadorin e SHBA-ve në Kosovë Jeff Hovenier, përcjell InLajmi.
Krasniqi njoftoi se Ambasadorit Hovenier i shprehu edhe një herë qëndrimin e PDK-së në lidhje me dialogun Kosovë – Serbi dhe rezervat e tyre në raport me propozimin evropian.
Më ej ai e falënderoi Ambasadorin Hovenier për vizitën dhe mbështetjen e vazhdueshme të SHBA-ve për Kosovën
Postimi i plotë i tij:
Sot, në selinë e Partisë Demokratike të Kosovës, kam pritur ambasadorin e SHBA-ve, Jeffrey Hovenier. Bashkë kishim një diskutim miqësor dhe konstruktiv në raport me zhvillimet e fundit politike në vend.
Ambasadorit Hovenier i shpreha edhe një herë qëndrimin e PDK-së në lidhje me dialogun Kosovë – Serbi dhe rezervat tona në raport me propozimin evropian tashmë të pranuar nga Kryeministri Kurti. Për ne, kjo marrëveshje është e pamjaftueshme dhe një mundësi e humbur për të arritur një marrëveshje finale, gjithëpërfshirëse dhe me njohjen e ndërsjellë në qendër.
Përkundër mbështetjes që PDK i ka dhënë Kryeministrit Kurti për 2 vjet me radhë në procesin e dialogut dhe në raport me Serbinë, përmes gabimeve e veprimeve kryeneqe dhe në shpërputhje me kontekstin politik, ai ka dështuar që të arrijë përmbushjen e qëllimeve shtetërore të Republikës së Kosovës.
Ambasadorin Hovenier e falënderova për vizitën dhe mbështetjen e vazhdueshme të SHBA-ve për Kosovën, si dhe e sigurova që PDK gjithmonë do të veprojë në përputhje ne interesin shtetëror dhe qytetar të Kosovës. /InLajmi/
