Golden Eagle Ylli ka mundur sonte Prizrenin me rezultat 81:68 në javën e 25-të të Prince Caffe Super ligës.
Vendasit e nisën për mrekulli me një seri prej 15:4 dhe ishin bindës në çerekun e parë, duke e fituar 22:10.
Megjithatë, prizrenasit nuk u dorëzuan dhe në periudhën e 2 ngushtojnë shifrat, dhe madje kalojnë në epërsi 27:30, por therandasit me një seri të suksesshme në fund shkuan në pushim me rezultat 37:33.
Por, në periodën e 3 , kampionët sërish u shkëputën në 14 pikë epërsi, 51:37, kurse shifrat pas 30 minutash ishin 59:52. Basketbollistët e Prizrenit në dhjetë minutat e fundit arritën të rikthehen, ku barazuan shifrat në 63:63, megjithatë, nuk arritën të bëjnë më shumë dhe Ylli triumfoi 81:68.
Më të mirët e Yllit ishin Chris Harris me 21 pikë e 18 kërcime dhe Gëzim Morina me 15 pikë e 12 kërcime, ndërsa te Ponte Prizreni u dalluan Meriton Ismaili me 15 dhe Muhamedali Janjeva me 13, shkruan IndeskOnline.
Therandasit kanë 18 fitore e 7 humbje, ndërsa prizrenasit 7 fitore e 18 humbje.
