Ekzekutivi i vendit të mërkurën i dha ‘bekimin” Ligjit për Rregullimin e Çmimet e Barnave, ndërsa të enjten për ligjin në fjalë në seancën e Kuvendit foli ministri i Shëndetësisë Arben Vitia, i cili tha se me aplikimin e ligjit do të eliminohet monopoli por edhe do të lehtësohet barra e qytetarëve, përcjell InLajmi.
Ministri Vitia iu kujton kompanive farmaceutike që të regjistrojnë produktet farmaceutike, ndryshe nuk do të lejohen të hyjnë në Kosovë si të dyshuara për cilësi.
Vitia paralajmëroi se ligji në fjalë do të zbatohet pa asnjë devijim, ndërsa theksoi se ka kaluar koha kur deputetët vijnë në MSH e në zyrat të prokurimit për të shkelur ligjin.
“Jo bre nuk ndodh kjo, në asnjë moment nuk do të lejoj as të shkelet ligji e as të bëhen tejkalime të ligjit”, tha Vitia.
Ndër tjerash ai iu bëri thirrje të gjitha kompanive farmaceutike pa dallim që të bëjnë regjistrim e produkteve.
“Iu bëjë thirrje të gjitha kompanive pa dallim, regjistroni produktet e juaja sepse jam edhe kundër monopolist dhe të mos jenë vetëm 1 apo 2 produkte të regjistruara, do ta marrë edhe përsipër bashkë me gjithë administratën në AKPM që të jenë procedura sa më të thjeshtëzuara të regjistrimit të produkteve por produkte të paregjistruara nuk do të lejohen në Kosovën, sepse nuk garantojnë cilësi”, tha ai. /InLajmi/
