Deputeti i Kuvendit të Kosovës Abelard Tahiri e cilësoi si lajm të mirë vendimin e Këshillit të Ministrave të BE-së për liberalizimin e vizave, përcjell InLajmi.
Tahiri tha se mohimi i paarsyeshëm e kryekëput politik për lëvizjen e lirë të qytetarëve të Kosovës, ka qenë një hallkë e brishtë.
Më tej ai uroi që ky hap, edhe pse i vonuar, të hapë dritaren e perspektivës aq të nevojshme të Kosovës në rrugën integruese
Postimi i plotë i tij:
Lajm shumë i mirë votimi aprovues nga Këshilli i Ministrave i BE-së për liberalizimin e vizave për Kosovën. Argumentet rreth meritës së kësaj çështje, janë shterur tash e një kohë të gjatë. Mohimi i paarsyeshëm e kryekëput politik për lëvizjen e lirë të qytetarëve të Kosovës, ka qenë një hallkë e brishtë që është dashur të tejkalohej në mënyrë që të mbizotërojë besimi që shoqëria jonë ka në vlerat qytetëruese e progresive të Bashkimit Evropian. Urojmë që ky hap, edhe pse i vonuar, të hapë dritaren e perspektivës aq të nevojshme të Kosovës në rrugën integruese. /InLajmi/