Një podkaster kapi momentin befasues kur një veturë u përplas në një kafene, duke goditur kështu xhamin e kafenesë, ku po mbahej një intervistë, transmeton InLajmi,
Askush nuk u lëndua në aksidentin e së shtunës, tha policia e Houston.
Sekonda përpara se Chevrolet Tahoe të futej në kafenenë Tout Suite, podkasteri Nathan Reeves kishte thënë: “Është kaq qetë këtu”.
Video tregon Reeves duke u larguar pasi përplasja ndodhi dhe theu xhamat e kafenesë.
Reeves kishte filmuar intervistën e tij me të ftuarin, Alexsey Reyes, një fotograf 22-vjeçar nga Houston. Ishte episodi i pestë i Reeves për kanalin e tij në YouTube November Romeo, shkruan Alarabiya.
Episodi i podkastit që tregon përplasjen u ngarkua në kanalin YouTube të Reeves dhe ka grumbulluar dhjetëra mijëra shikime. /InLajmi/
