Plani franko-gjerman i sjell Kosovës njohjen defacto prej Serbisë.
Kështu po mendon kryetari i Kuvendit, Glauk Konjufca, i cili qe i ftuar në një intervistë për emisionin “Context” të ATV-së.
“Mendoj që plani evropian është një njohje e fuqishme defacto dhe nuk është de jure nga ana e Serbisë. Njohja defakto është kur një shtet pajtohet që ti ekziston si shtet i pavarur, që nuk të përzihet në asnjë punë të brendshme e as në arenën ndërkombëtare, pa kurrfarrë fusnote”.
Konjufca nuk pret që Serbia ta nënshkruajë ujdinë më 18 mars në Ohër, transmeton Front Online.
“Ka të bëjë me nenin 2, Serbia nuk pranoi me e nënshkru dhe nuk e nëshkruan as më 18 mars. Kosova dëmtohet nëse do të bënim refuzim absolut të planit franko-gjerman”.
