Dita Ndërkombëtare e Gruas festohet më 8 mars çdo vit për të përkujtuar lëvizjet për të drejtat e grave, shkruan InLajmi.
8 marsi u sugjerua nga Konferenca Ndërkombëtare e Gruas më 1910.
Ideja për “Ditën Ndërkombëtare të Gruas’ u hodh fillimisht në fillim të shekullit të XIX-të, e cila ishte një periudhë e prekur nga trazirat.
Susan B. Anthony ishte një aktiviste politike dhe një avokate e të drejtave të grave. Pas Luftës Civile, ajo luftoi për Amendamentin e 14-të me shpresën se do të përfshinte të drejtën e votës për gratë. Në 1869, Shoqata Kombëtare e Votimit të Gruas u themelua nga Elizabeth Cady Stanton dhe Susan B. Anthony për të vazhduar luftën për të drejtat e grave.
Në fillim të viteve 1900, gratë po përjetonin pabarazi pagash, mungesë të të drejtave të votës dhe ishin të mbingarkuara. Në përgjigje të gjithë kësaj, 15.000 gra marshuan nëpër qytetin e New Yorkut në vitin 1908 për të kërkuar të drejtat e tyre. Në vitin 1909, Dita e parë Kombëtare e Gruas u festua në përputhje me një deklaratë të Partisë Socialiste të Amerikës. Kjo festohej të dielën e fundit të shkurtit deri në vitin 1913.
Një Konferencë Ndërkombëtare e Grave u organizua në gusht 1910 nga Clara Zetkin, drejtuese në Zyrën e Grave. Zetkin propozoi një Ditë të veçantë të Gruas që do të organizohej çdo vit dhe Dita Ndërkombëtare e Gruas u mbajt vitin e ardhshëm në Austri, Danimarkë, Gjermani dhe Zvicër, me më shumë se një milion të pranishëm në mitingje. Më 18 gusht 1920, Amendamenti i 19-të u ratifikua dhe grave iu dha e drejta e votës në SHBA.
Lëvizja çlirimtare u zhvillua në vitet 1960 dhe përpjekjet çuan në miratimin e Ligjit për të Drejtat e Votimit, duke u lejuar të gjitha grave të drejtën për të votuar. Kur interneti u bë më i zakonshëm, feminizmi dhe lufta kundër pabarazisë gjinore përjetuan një ringjallje. Tani ne festojmë Ditën Ndërkombëtare të Gruas çdo vit, ndërsa ne vazhdimisht punojmë për të krijuar një shoqëri plotësisht të barabartë. /InLajmi/
