Ish-kryeminsitri shqiptar Sali Berisha deklaroi këtë 7 mars se 760 shkolla janë mbyllur në 9 vite. Siç tha ai numri i mësuesve është reduktuar në mënyrë në frikshme.
“Kjo qeveri ka kryer një gjenocid të vërtetë ndaj shqiptarëve me krijimin e kushteve për shpopullimin e vendit. Janë mbyllur 760 shkolla, është reduktuar në mënyrë të frikshme numri i mësuesve. Mësuesit shqiptarë sot paguhen 2 herë më pak se mësuesit në Kosovë, Mal të Zi dhe se mësuesit në çdo vend të rajonit,” u shpreh Berisha, shkruan Euro News.
Ish-kryeministri kujtoi se mësuesit 9 vite më parë ata kishin pagat më të larta në rajon. Sipas tij, u ndërtuan në një hark kohor 8-vjeçar mbi 1300 shkolla, kopshte dhe institucione të tjera të arsimit si dhe u shtri interneti në çdo shkollë, u bënë përpjeke të mëdha për modernizimin e mësimdhënies.
