Analisti politik, Dibran Hoxha në lidhje me raportimin se Shtetet e Bashkuara të Amerikës janë shprehur të shqetësuara lidhur me deklaratat e bëra nga opozita për kundërshtimin e propozimit evropian ka thënë se është faji i opozitës nëse që nga fillimi i takimeve të tyre me ndërkombëtarët nuk i kanë bërë të qarta artikulimet e tyre për kundërshtimin e këtij plani.
Hoxha ka thënë se në parim ndërkombëtarët do duhej që të paktën të garantonin një liri të pozicioneve të partive opozitare nëse kanë qenë të artikuluara pozicionet e opozitës qysh në fillim.
“Ndërkombëtarët në parim do duhej të ishin njëzëri që çfarëdo ndërhyrje që partitë opozitare i kanë për qëndrimet e tyre politike për planin evropian, do duhej në parim të ishin më të kujdesshëm dhe të garantonin një liri demokratike të pozicioneve. Nëse ka pasë qëndrime dhe ato cenohen do duhej të ishin të artikuluara, nëse opozita kanë bërë një analizë të gabuar që Kurti nuk do e pranojë planin, kur kanë ndërruar pozicionet ka ndërruar edhe pozicioni i tyre”, ka thënë Hoxha.
Sipas tij, opozita ka llogaritur gabimisht qëndrimin e kryeministrit të Kosovës, Albin Kurti ndaj propozimit evropian.
“Kur e panë që Kurti po e pranon planin e kanë goditur përmes planit, por meqë si opozitë që në takimin e parë nuk ua ke bërë të qartë artikulimet e tua për planin, smund ta kundërshtosh Kurtin përmes këtij plani”, ka vijuar ai për RTV Dukagjini
Sipas tij, problemi i opozitës është me Kurtin dhe me qëndrimet e tij e jo në tërësi me propozimin e BE-së.
