Autoritetet e Bangladeshit po hetojnë shkakun e një zjarri masiv që ndodhi në një kamp refugjatësh Rohingya, i cili ka lënë 12.000 njerëz pa strehë, transmeton InLajmi.
Nuk është raportuar për viktima, por zjarri i së dielës shkatërroi 2.000 strehimore pasi u përhap me shpejtësi përmes bombolave të gazit në kuzhina, thanë zyrtarët.
Policia po heton nëse zjarri ka qenë një akt sabotimi. Një person është arrestuar, raportojnë mediat lokale.
Kampi në juglindje besohet të jetë kampi më i madh i refugjatëve në botë.
Zjarri kishte filluar rreth orës 14:45 me orën lokale të së dielës.
“Rreth 2,000 strehimore janë djegur, duke lënë rreth 12.000 shtetas të Mianmarit pa strehë,” tha Mijanur Rahman, komisioneri i refugjatëve në Bangladesh, shkruan BBC.
Zjarri u vu nën kontroll brenda 3 orëve, por të paktën 35 xhami dhe 21 qendra mësimore për refugjatët u shkatërruan gjithashtu, shtoi ai. /InLajmi/
