Ish-gjenerali i Ushtrisë Çlirimtare të Kosovës, Jakup Nura, ka thënë në emisionin Pressing në T7 se ishte LDK ajo që dërgoi grupin e parë për stërvitje me Ushtrinë Shqiptare në Shqipëri.
Nura, thotë se Adem Jashari me 30 djemë të tjerë të përzgjedhur, ishin të parët që u stërvitën intensivisht në Shqipëri. Nura tregon se të gjithë të përzgjedhurit ishin anëtarë të LPK-së dhe kishin lidhje edhe me mërgatën që ndodhej në Zvicër, Gjermani e vende tjera.
“LDK e dërguan grupin e Adem Jasharit për stërvitje në Shqipëri”, tha ai.
“Është e vërtetë që ka qenë edhe pushteti komunist. Në atë kophë Rami zalia ka qenë kryetar. Kur na erdhi kërkesa apo mundësia, ka qenë kohë e shkurtër dhe nuk kemi mundur të bëjmë përzgjidhjen e duhur të njerëzve. Shkuam tek ata djemë që në demonstrata kanë qenë më aktivë, më të zëshëm, vulgarë dhe të zjarrtë. Shkuam e u ofruam mundësinë. Një pjesë e tre u bashkuan me Ademin dhe shkuan në Shqipëri. Kanë mundur të jenë diku 30. Jo vetëm prej Skenderajt. Unë nuk shkova. Ne bëmë një grup shpejt e shpejt. Nuk mund të bënim një zgjidhje sipas dëshirës sonë. Mundova të mbledh njerëz që ishin më të shkathët. U koordinuam me Ademin që të shkojë me grupin e parë. Me grupin e 2-të do të shkoja unë”, shtoi ai.
Ai tregon edhe se si ishte i fascinuar nga stërvitjet që i pa dhe se si kishin arritur në Shqipëri ushtarët për t’u stërvitur, prej Kosovës në Zvicër e Gjermani e pastaj në Tiranë, shkruan Gazeta Express.
“Ushtrime intensive kanë bërë një muaj ditë. Kanë shkuar me aeroplanë e automjete e si mundën në Zvicër, e pastaj në Shqipëri. Rinas apo ku mundën. Pastaj filluan ushtrimet. Tek Dajti diku, nuk më kujtohet saktë kazerma ku zhvilluan stërvitjet ushtarake. Por kanë qenë ushtrime shumë intensive. Qaq jam fascinuar kur i kam parë, sa që kur kam dalë prej aty, dilshim në mbrëmje në shëtitje që të pushonim nga pak. Ditës nuk mund të bënim shumë lëvizje. Disa sallta i bëri vet Ademi. Më çuditi, pasi në kohë i kishim praktikuar nxjerrjen e armëve e të tjera edhe këtu. Më çuditi si i bëri ato lëvizje. Një djalë 20 vjet nuk mund t’i bënte. Ai kishte arritur shumë gjatë atyre ditëve. Jo vetëm ai, por të gjithë djemtë“, përfundoi ai.
