Kryetari i Partisë Socialdemokrate Dardan Molliqaj, ka bërë homazhe te Kompleksi Memorial i Jasharajve në Prekaz, përcjell InLajmi.
Molliqaj thotë se “epopeja e 25-të po e gjen UÇK-në nën akuza ndërkohë që indiferenca dhe cinizmi po gërryejnë çdo ditë ndjeshmëritë shoqërore”.
Në fund, ai shkruan “lulet në Prekaz janë gjithmonë një fillim, prova e vullnetit shqiptar”.
Postimi i plotë i tij:
Lule në Prekaz, aty buzëqesh liria.
Ngjarja që u bë epope është përballje e një makinerie të panumërt të veshur n’hekur, me shpirtin e një guximi të pamatë. Kthehemi çdo vit këtu në Kompleksin “Adem Jashari”, përsëri në vizitë të asaj Ngjarjeje të papërsëritshme.
Epopeja 25 e gjen UÇK-në nën sulm sepse nën akuzë, ndërkohë që indiferenca dhe cinizmi gërryejnë çdo ditë ndjeshmëritë shoqërore.
Lulet në Prekaz janë gjithmonë një fillim, prova e vullnetit shqiptar! /InLajmi/
