Kryeministri i vendit Albin Kurti, në 25-vjetorin e Epopesë së UÇK-së ka bërë homazhe në Kompleksin Memorial të Jasharajve në Prekaz, raporton InLajmi.
Kurti theksoi se institucionet demokratike po ndërtohen dhe zhvillohen pa harruar asnjëherë se lirinë ua kemi borxh të gjithë atyre që dhanë jetën për këtë vend.
Ai thekson se Epopeja i dha hovin vendimtar UÇK-së në luftën për liri.
“Ne kthehemi e rikthehemi në kryeqytetin e kryengritjes shqiptare në Prekaz për ta kujtuar e përkujtuar Epopenë e UÇK-së, e cila i dha hovin vendimtar UÇK-së dhe më pas mundësoi çlirimin dhe lirimin e vendit tonë. Sot, ndërtojmë institucione demokratike, bëjmë zhvillim ekonomike pa e harruar se kujt ia kemi borxh këtë liri, e këtë mundësi që të ecim përpara”, deklaroi Kurti pas homazheve në Kompleksin Memorial “Adem Jashari”. /InLajmi/
